Պատրաստվիր սովորել jQuery

HTML/CSS: Դու պետք է տեղյակ լինես, թե ինչպես օգտագործես <h1>, <p>, <img>, <a>, <div> թեգերը և ավելին, ինչպես նաև, տեղյակ լինես՝ ինչպես ստեղծել CSS կանոններ, որոնք ընտրվում են ID-ով և դասակարգմամբ։ Ինչպես նաև պետք է տեղյակ լինես այն կանոնների մասին, որոնք օգտագործում են ժառանգական ընտրիչներ։Կարող ես գրել այս ստուգողականը, որպեսզի տեսնենք, թե որքան լավ ես հիշում այս բոլորը, և կրկնես HTML/CSS-ը, որոնք միգուցե մոռացել ես։

JavaScript: Դու պետք է կարողանաս փոփոխականներում պահել տվյալներ, ֆունկցիաներում խմբավորել կոդ, ցիկլավորել զանգվածները և տալ օբյեկտներին մեթոդներ։ Կարող ես գրել այս ստուգողականը, որպեսզի տեսնենք, թե որքան լավ ես հիշում այս բոլորը, և կրկնես ցանկացած JavaScript, որոնք միգուցե մոռացել ես։

JS DOM API: Բրաուզերները բացահայտում են JS DOM API-ն, որպեսզի հնարավորություն տան ծրագրավորողներին կառավարել կայքէջեր JavaScript-ում, և jQuery ֆունկցիաները կանչում են DOM ֆունկցիաները հետնաբեմում ոչ տեսանելի կերպով, ինչպես, օրինակ՝ document.getElementById: Որոշ ծրագրավորողներ նախընտրում են սովորել jQuery՝ առանց սովորելու DOM API -ն, սակայն միանգամայն խրախուսվում է՝ նախ տեղյակ լինել DOM API-ի մասին։ Ինչպես նաև մենք հղումներ ենք կատարելու վերջիններիս ամբողջ դասընթացի ընթացքում։ Որպես ծրագրավորող, ամենայն հավանականությամբ, անհրաժեշտ կլինի երկուսն էլ օգտագործել, և շատ կարևոր է տեղյակ լինել ու հասկանալ, թե ինչպես կարող ես բրաուզերում օգտագործել JavaScript-ը առանց որևէ գրադարանի։ Կարող ես սովորել DOM API-ի մասին մեր HTML/JS դասընթացում և ընթերցել ամփոփված հոդվածները կրկնողության համար։

JavaScript գրադարաններ: Անհրաժեշտ է իմանալ՝ ինչպես ներմուծել <script> թեգ քո կայքէջում, որպեսզի JavaScript գրադարան ներառվի։ Եթե երբևէ չես առնչվել վերջինիս հետ, կարող ես աչքի անցկացնել այս կարճ հոդվածը։