If you're seeing this message, it means we're having trouble loading external resources on our website.

Եթե գտնվում ես վեբ զտիչի հետևում, խնդրում ենք համոզվել, որ *.kastatic.org և *.kasandbox.org տիրույթները հանված են արգելափակումից։

Հիմնական նյութ

Թոմ Հեյնան․ բջջային հավելվածի ծրագրավորող և զոմբի

Թոմի նկարն ինքնաթիռի դիմաց
Թռիչքին պատրաստ
Ողջու՜յն, ես Թոմ Հայնենն եմ։

Ինչո՞վ ես զբաղվում

Ես աշխատում եմ One Medical Group ընկերությունում. դա տեխնոլոգիական հնարավորություններով բժշկական պրակտիկա է։ Ժամանակիս մեծ մասն անցկացնում եմ՝ Objective-C-ում մեր բջջային հավելվածի վրա աշխատելով, որտեղ մենք ներմուծում ենք ամեն տեսակի եզակի ապրանքների հատկանիշներ՝ նպատակ ունենալով մարդկանց օգնել, որ արդյունավետ հետևեն իրենց առողջությանը և ինքնազգացողությանը: Ես նաև զբաղվում եմ back-end կոդավորմամբ Ruby-ում՝ զարգացնելով API-ները, ինչը անհրաժեշտ է մեր հավելվածի համար՝ առողջապահական տվյալները հուսալի և ապահով պահելու համար:
Մեր հաճախորդներն օգտագործում են բջջային հավելվածը, որպեսզի հանդիպումներ նշանակեն և շփվեն իրենց բժիշկների հետ, այսպիսով ամեն ինչ անում եմ՝ խնդիրները լուծելու և աստիճանական թարմացումներով շահագործումը բարելավելու համար՝ միևնույն ժամանակ նախագծելով նոր հետաքրքիր հատկանիշների նախատիպերը:
Գործող բջջային հավելվածի երեք էկրան
Գործող բջջային հավելվածի երեք էկրան

Ինչպե՞ս ես ծրագրավորում սովորել

Apple IIGS
Apple IIGS
Ծնողներս մեր առաջին ընտանեկան համակարգիչը գնել են 1986 թվականին, երբ ես ծնվել եմ: Այն Apple IIGS էր, և կարդալ սովորելուն պես ես սկսեցի խաղալ GS/OS-ով: Ես սովորեցի HTML-ի և JavaScript-ի հիմունքները տարրական դպրոցում (նույնիսկ Համակարգիչների գիտակի կրծքանշան եմ ստացել տղաների սկաուտական խմբում), այնուհետև ավագ դպրոցում սովորեցի AP համակարգչային գիտություն, որի ուսումնական ծրագիրը հիմնականում Java-ի ներածությունն էր: Համալսարանում ես բաց թողեցի ավանդական շատ լեզուների դասընթացները (BASH scripting, C++), փոխարեն ինքնուրույն սովորեցի Ruby-ի հիմունքները, որը մինչև այսօր իմ սիրելի լեզուն է:
Ինձ համար որևէ լեզու սովորելիս ամենադժվարը ինչ-որ տեղից սկսելն է: Վերցնել հարյուրէջանոց փաստաթղթերը և դրանք դարձնել ինչ-որ հետաքրքիր բան՝ բավականին անհաղթահարելի առաջադրանք է. դրա փոխարեն ես մի գաղափար եմ ընտրում և գտնում նմանատիպ բաց աղբյուր ունեցող նախագիծ այն լեզվով, որը փորձում եմ սովորել: Հետո հետևում եմ կոդին և ստանում եմ հիմնական կառուցվածքը, որտեղ կարող եմ ներդնել սեփական տրամաբանությունս՝ ընթացքում օգտվելով Google-ից: Նմանատիպ հասկացությունները բացահայտելը նույնպես կարևոր է, Objective-C-ում բաժիններ հասկանալն ավելի հեշտ է, եթե արդեն գիտես, թե Ruby-ում բաց դասերը ինչ են:

Ինչո՞վ ես զբաղվում, բացի ծրագրավորումից

Աշխատանքի վայրում շատ եմ կոդավորում, սակայն դա անում եմ նաև հաճույքի համար, իսկ երբ կոդ չեմ գրում, սիրում եմ դրսում ժամանակ անցկացնել: Ճամբարները և արշավները միշտ էլ լավ գաղափար են, այստեղ՝ Քալիֆորնիայում, շատ հրաշալի վայրեր կան: Հիմա նաև զբաղված եմ օդաչուի լիցենզիա ստանալով. չկա ոչինչ ավելի հանգստացնող, քան հանդիպումներով լի երկար օրվանից հետո թռչել մինչև 3000 և վայելել մայրամուտը թերակղզու վրայից:
Թերակղզու վրայով թռչելիս օդաչուի պատուհանից երևացող տեսարանը
Սան Ֆրանցիսկոյի թերակղզու վրայով թռչելիս
Նաև դաշնամուր և կիթառ եմ նվագում, մի քիչ էլ երգ գրելով եմ զբաղվում այստեղ և այնտեղ: Սիրում եմ զբաղվել դերասանությամբ, մի քանի տարի եղել եմ մեր համալսարանի իմպրովիզ կատակերգության թիմի անդամ, երբեմն՝ շատ հազվադեպ, հանդիպումներ ենք ունենում Նովա Սքոթիայում, որտեղ դպրոց եմ հաճախել: Լինելով ծրագրակազմի ինժեներ՝ այնքան էլ ազատ ժամանակ չեմ ունենում թատերականության համար, բայց եթե դիտել ես AMC-ի Քայլող մեռյալները, հնարավոր է՝ այնտեղ տեսել ես ինձ սպանվելիս առաջին անգամ կամ երկրորդ անգամ:

Ի՞նչ խորհուրդ կտաս սկսնակ ծրագրավորողներին

Գտիր այն լեզուն, որը սիրում ես, դրանով հետաքրքիր բաներ ստեղծիր և երբեք մի վախեցիր փորձարկումներից:

Ուզո՞ւմ ես միանալ խոսակցությանը։

Առայժմ հրապարակումներ չկան։
Անգլերեն հասկանո՞ւմ ես: Սեղմիր այստեղ և ավելի շատ քննարկումներ կգտնես «Քան» ակադեմիայի անգլերեն կայքում: