Սեղմման անհրաժեշտությունը

Ժամանակակից համակարգիչները կարող են ավելի ու ավելի մեծ թվով ֆայլեր պահել, բայց ֆայլի չափը դեռ կարևոր է: Որքան փոքր են մեր ֆայլերը, այնքան ավելի շատ ֆայլեր կարող ենք պահել:

Մենք օգտագործում ենք compression (սեղման) ալգորիթմներ՝ ֆայլը ներկայացնելու համար անհրաժեշտ ծավալը նվազեցնելու համար:

Սեղման երկու տեսակ կա՝ lossless (առանց կորուստ) և lossy (կորուստներով):

Lossless(առանց կորուստ) սեղմման ալգորիթմները նվազեցնում են ֆայլերի չափերը՝ առանց ֆայլում որևէ տեղեկություն կորցնելու, ինչը նշանակում է, որ կարող ենք վերակառուցել սկզբնական տվյալները սեղմված ֆայլից:

Lossy (կորուստներով) սեղմման ալգորիթմները նվազեցնում են ֆայլերի չափը՝ հեռացնելով ֆայլի պակաս կարևոր տեղեկատվությունը, ինչը կարող է զգալիորեն նվազեցնել ֆայլի չափը, բայց նաև ազդել ֆայլի որակի վրա:

Նախ կուսումնասիրենք lossless (անկորուստ) սեղմման տեխնիկան, որն աշխատում է տեքստային փաստաթղթերի, պարզ պատկերների, և բոլոր երկուական տվյալների համար, և այնուհետև կուսումնասիրենք lossy (կորուստներով) սեղմման տեխնիկան լուսանկարների և աուդիոֆայլերի համար: