Հիստոգրամներ․ ամփոփում

Հիստոգրամը ցուցադրում է թվային տվյալները՝ խմբավորելով դրանք միևնույն երկարությամբ «հատվածներում»: Յուրաքանչյուր հատվածի վրա կառուցված է սյուն, որի բարձրությունը հավասար է այդ հատվածին համապատասխանող արժեքներ ունեցող տվյալների քանակին:

Հատվածները հաճախ անվանում են «միջակայքերեր» կամ «դասեր»:

Սյան բարձրությունը հուշում է, թե դրան համապատասխանող տվյալից քանի հատ կա:

Օրինակ՝ այս հիստոգրամն ասում է, որ Լևոնի հողակտորում կա $8$‍ դդում, որոնց զանգվածներն ընկած են $6$‍-ից $9$‍ կիլոգրամների միջև:

Ստորև տրված են գոլֆ խաղալիս Լուիզայի վերջին $8$‍ հարվածներից գնդակի գլորման հեռավորությունները (մետրերով):

Ահա թե ինչպես պետք է հիստոգրամ կառուցել այս տվյալներով:

Քայլ 1: Նախ որոշենք միջակայքերի երկարությունը: Եթե $0$‍-ից $250$‍ տվյալները նկարագրելու համար միջակայքերի երկարությունը վերցնենք $50$‍, ապա կունենանք $5$‍ միջակայք:

Չկա որևէ օրենք, թե քանի միջակայք պետք է օգտագործել, ընդամենը պետք է խուսափել չափազանց շատ կամ չափազանց քիչ քանակությամբ միջակայքերի օգտագործումից:

Քայլ 2: Հաշվենք, թե քանի տվյալ է ընկած յուրաքանչյուր միջակայքում:

Քայլ 3: $x$‍-երի առանցքի վրա նշենք $0$‍-$250$‍ միջակայքը՝ օգտագործելով $50$‍ երկարությամբ միջակայքեր: Նշանակենք $x$‍-երի առանցքը «Գլորման հեռավորություն (մետրերով)»:

Քայլ 4:. $y$‍-ների առանցքի վրա նշենք մինչև $3$‍ բնական թվերը, քանի որ դա լինելու է ամենաբարձր սյունակի բարձրությունը:

Քայլ 5: Յուրաքանչյուր միջակայքի համար գծենք սյունակ, որի բարձրությունը հավասար կլինի այդ միջակայքում գլորումների քանակին: