If you're seeing this message, it means we're having trouble loading external resources on our website.

Եթե գտնվում ես վեբ զտիչի հետևում, խնդրում ենք համոզվել, որ *.kastatic.org և *.kasandbox.org տիրույթները հանված են արգելափակումից։

Հիմնական նյութ
Այժմ0:00Ընդհանուր տևողությունը3:27

Տեսանյութի սղագրությունը

Պատկերացրու, որ ինչ-որ մեկը մոտենում է քեզ և ասում է, որ հիսունը բաժանած հինգի հավասար է ինչ-որ թվի։ Կարո՞ղ ես արդյոք սրան վերաբերվել որպես բազմապատկում։ Նկատիր, որ եթե այդ թիվը բազմապատկես հինգով՝ դու պետք է ստանաս հիսուն։ Այսինքն մեր հարցը հետևյալն է. ի՞նչ անգամ հինգ կլինի հիսուն։ Մենք գիտենք, որ տասն անգամ հինգ լինում է հիսուն։ Այսինքն՝ հիսունը բաժանած հինգի լինում է տասը։ Հուսով եմ, որ կարող ես տեսնել կապն այս երկուսի միջև։ Հիսուն բաժանած հինգի լինում է տասը, և տասն անգամ հինգ լինում է հիսուն։ Նման բան կարող ենք ասել հակառակ գործընթացների համար։ Ի՞նչ կլինի հիսունը բաժանած տասի։ Լինում է հինգ։ Քանի որ հինգ անգամ տասը հավասար է հիսունի։ Եկ ուրիշ բան պատկերացնենք։ Ենթադրենք՝ ինչ-որ մեկը կրկին մոտենում է քեզ և ասում է, որ ինչ-որ թիվ բաժանած երկուսի լինում է ինը։ Սա լուծելու համար արի վերադառնանք նախորդ հարցին։ Հիսունը բաժանած հինգի լինում է տասը, այսինքն՝ տասն անգամ հինգ լինում է հիսուն։ Հետևաբար, կարող ենք ասել, որ ինն անգամ երկու պետք է հավասար լինի մեր թվին։ Իսկ ինն անգամ երկու լինում է տասնութ։ Այսինքն՝ այդ թիվը հավասար է տասնութի։ Տասնութը բաժանած երկուսի լինում է ինը, և դա նկարագրում է, թե ինչ կապ ունեն տասնութը, երկուսը և ինը միմյանց հետ։ Ինը հատ երկու կամ երկու հատ ինը հավասար է միևնույն տասնութին։ Նույն կերպ, եթե տասնութը բաժանեմ երկու խմբի, ամեն խումբ կունենա ինն անդամ, իսկ եթե բաժանենք ինը խմբերի՝ ամեն մեկում կլինի երկու անդամ։ Եկ ուրիշ նման վարժություն անենք։ Ինչ-որ մեկը կրկին մոտենում է քեզ և ասում է, որ տասներկուսը բաժանած ինչ-որ թվի հավասար է երեքի։ Ո՞րն է այդ թիվը։ Նկատենք, որ երեք անգամ այդ անհայտ թիվը լինում է տասներկու։ Իսկ երեք անգամ ի՞նչն է հավասար տասներկուսի։ Երեք անգամ չորս։ Այսինքն՝ այդ թիվը չորսն է։ Այսինքն՝ տասներկուսը բաժանած չորսի հավասար է երեքի։