Ընդհանուր հայտարար․ ամփոփում

Երբ կոտորակները ունեն նույն հայտարարը, ասում ենք, որ դրանք ունեն ընդհանուր հայտարար։

Ընդհանուր հայտարար ունենալը հեշտացնում է կոտորակների համեմատումը, գումարումն ու հանումը։

Երկու (կամ ավելի) կոտորակները ընդհանուր հայտարարի բերելու մեթոդներից է հայտարարներից յուրաքանչյուրի բազմապատիկները թվարկելը՝ մինչև ամենափոքր ընդհանուր բազմապատիկի գտնելը։

Գտիր ${\displaystyle \frac{7}{8}}$‍ և ${\displaystyle \frac{3}{10}}$‍ կոտորակների ընդհանուր հայտարարը։

Հայտարարներն են $8$‍-ը և $10$‍-ը։ Թվենք յուրաքանչյուրի բազմապատիկները։

$8$‍-ի բազմապատիկներն են՝ $8;16;24;32;40;48;56;64;72;80\text{…}$‍

$10$‍-ի բազմապատիկներն են՝ $10;20;30;40;50;60;70;80;90;100\text{…}$‍

$40$‍-ը և $80$‍-ը $8$‍-ի և $10$‍-ի համար ընդհանուր բազմապատիկներ են։ Հիմնականում օգտագործվում է ամենափոքր ընդհանուր հայտարարը, որպեսզի աշխատենք փոքր թվերի հետ։

Դիտարկենք $40$‍-ը՝ որպես ընդհանուր հայտարար։

Այժմ ${\displaystyle \frac{7}{8}}$‍-ը և ${\displaystyle \frac{3}{10}}$‍-ը գրենք $40$‍ հայտարարով։

Պետք է պարզենք, թե յուրաքանչյուր հայտարարն ինչով ենք բազմապատկելու, որ ստանանք $40$‍․

Հիմա համարիչը բազմապատկում ենք այն թվով, որով բազմապատկել էինք հայտարարը.

${\displaystyle \frac{7}{8}}$‍-ը և ${\displaystyle \frac{3}{10}}$‍-ը բերեցինք ընդհանուր հայտարարի․

Ուշադրություն։ Նոր կոտորակները հավասար են իրենց սկզբնական տեսքին, պարզապես ավելի հեշտ է աշխատել ընդհանուր հայտարարով կոտորակների հետ։

Ուզո՞ւմ ես նմանատիպ այլ խնդիրներ լուծել։ Փորձիր այս վարժությունը։