Ստանդարտ տեսք․ ամփոփում

Դա երկու փոփոխականով գծային հավասարումների ստանդարտ տեսքն է։

Սովորաբար այս տեսքում $a$‍-ն, $b$‍-ն և $c$‍-ն ամբողջ թվեր են։

Երբ ունենք ստանդարտ տեսքի գծային հավասարում, կարող ենք գտնել համապատասխան ուղղի՝ $x$‍-երի և $y$‍-ների առանցքի հետ հատման կետերը։ Դա մեզ նաև հնարավորություն է տալիս պատկերել գրաֆիկը։

Վերցնենք, օրինակ՝ $2x+3y=12$‍ հավասարումը։ Եթե տեղադրենք $x=0$‍, կստանանք $3y=12$‍, հետևաբար $y=4$‍։ Սա նշանակում է՝ $y$‍-ների առանցքի հետ ուղղի հատման կետը $(0;4)$‍-ն է։

Նույն կերպ կարող ենք տեղադրել $y=0$‍ և ստանալ $2x=12$‍։ Սրանով կգտնենք $x$‍-երի առանցքի հետ ուղղի հատման կետը՝ $(6;0)$‍։ Այժմ կարող ենք պատկերել գրաֆիկը․

Որոշ դեպքերում (օրինակ, երբ լուծում ենք հավասարումների համակարգեր) հնարավոր է մենք ցանկանանք այս կամ այն տեսքով գրված հավասարումը ներկայացնել ստանդարտ տեսքով:

Արի $y={\displaystyle \frac{3}{8}}x+5$‍ հավասարումը ներկայացնենք ստանդարտ տեսքով: