Երկանդամի բազմապատկումը բազմանդամով․ ամփոփում

Ամփոփում ենք, թե ինչպես պետք է բազմապատկել երկանդամները, օրինակ՝ 1+x, այնպիսի բազմանդամներով, որոնք ունեն երկուսից ավելի անդամներ, օրինակ՝ x^2 - 5x - 6:

Մենք արդեն գիտենք՝ ինչպես բազմապատկել երկանդամները, ինչպիսին է, օրինակ՝

(x + 2) (x - 7)

-ը։ Այս հոդվածում կամփոփենք ավելի բարդ հմտություն՝ բազմապատկել երկանդամը երկուսից ավելի անդամներ ունեցող բազմանդամներով։

Օրինակ

Բացիր փակագծերը և պարզեցրու։

(1 + x) (x^{2} - 5 x - 6)

Արի կիրառենք բաշխական օրենքը։

\begin{aligned} (1 + x) (x^{2} - 5 x - 6) \\ = & 1 (x^{2} - 5 x - 6) + x (x^{2} - 5 x - 6) \end{aligned}

Բաշխական օրենքը կիրառենք ևս մեկ անգամ։

= 1 (x^{2}) + 1 (- 5 x) + 1 (- 6) + x (x^{2}) + x (- 5 x) + x (- 6)

Ուշադրություն դարձրու օրինաչափությանը։ Մենք երկանդամի յուրաքանչյուր անդամը բազմապատկել ենք եռանդամի յուրաքանչյուր անդամով։

Պարզեցնենք։

\begin{aligned} = & x^{2} - 5 x - 6 + x^{3} - 5 x^{2} - 6 x \\ = & x^{3} - 4 x^{2} - 11 x - 6 \end{aligned}

Ուզո՞ւմ ես իմանալ ավելին երկանդամների և բազմանդամների արտադրյալի մասին։ Նայիր այս տեսանյութը։

Պարապել

Բացիր փակագծերը և պարզեցրու։

(c^{2} - 6) (2 c^{2} + 3 c - 1)

Ուզո՞ւմ ես ավելի շատ վարժություններ պարապել։ Լուծիր այս վարժությունը։

Ուզո՞ւմ ես միանալ խոսակցությանը։

Մուտք գործել

Դասակարգել ըստ

Առայժմ հրապարակումներ չկան։

Անգլերեն հասկանո՞ւմ ես: Սեղմիր այստեղ և ավելի շատ քննարկումներ կգտնես «Քան» ակադեմիայի անգլերեն կայքում: