Լուծում չունեցող անհավասարումների համակարգ

Ահա մեզ տրված է երկու անհավասարում։ Հինգ իքս մինուս երեքը փոքր է տասներկուսից, և չորս իքս գումարած մեկը մեծ է քսանհինգից։ Եկեք լուծենք այս անհավասարումները և գտնենք իքսի արժեքները, բայց հիշենք, որ պահանջվում է գտնել իքսի այն արժեքները, որոնք երկու անհավասարումներին էլ բավարարում են, քանի որ ինչպես տեսնում եք մենք ունենք և շաղկապը, իսկ դա նշանակում է, որ պետք է գտնենք այնպիսի արժեքներ, որոնք երկու անհավասարումների մեջ տեղադրելիս ճիշտ կլինեն: Եկեք հերթով լուծենք անհավասարումները։ Հինգ իքս մինուս երեքը փոքր է տասներկուսից։ Անհրաժեշտ է առանձնացնել իքսը և դրա համար ազատվում ենք նախ երեքից․․․ երկու կողմին գումարենք երեք: Ահա, գումարած երեք․․․ գումարած երեք... Ձախ կողմում կմնա հինգ իքս: Հինգ իքսը փոքր է․․․ տասներկու գումարած երեքից, այսինքն` տասնհինգից: Հիմա երկու կողմը բաժանենք հինգի վրա: Ահա․․․ և քանի որ հինգը դրական թիվ է անհավասարման նշանը չի փոխվի: Ձախ կողմում կունենանք իքս, որը փոքր է երեքից... Անցնենք հաջորդ անհավասարմանը։ Չորս իքս գումարած մեկը մեծ է քսանհինգից: Նույն ձևով երկու կողմից հանենք մեկ։ Ձախ կողմում կմնա չորս իքս, որը մեծ է քսանհինգ հանած մեկ՝ քսանչորսից: Հիմա երկու կողմը բաժանենք չորսի վրա։ Եվ, քանի որ չորսն էլ է դրական թիվ, ապա անհավասարման նշանը նորից չի փոխվի: Կունենանք իքսը մեծ է վեցից։ Եվ քանի որ ունենք ''և'' շաղկապ պետք է իքսը փոքր լինի երեքից և մեծ լինի վեցից․․․ Եկեք սա նկարենք թվային ուղղի վրա: Ահա թվային ուղիղը։ այստեղ երեքը ու այստեղ վեցը: Առաջին պայմանն ասում է, որ իքսը պետք է փոքր լինի երեքից. մենք կվերցնենք երեքից ձախ ընկած հատվածը առանց երեքը ներառելու։ Ահա այս հատվածը։ Երկրորդ պայմանն ասում է, որ իքսը պետք է մեծ լինի վեցից, մենք կվերցնենք վեցից աջ ընկած հատվածը՝ նորից առանց վեցը ներառելու։ Եվ քանի որ մենք ունենք և շաղկապը, անհավասարման լուծում կարող է լինել միայն այս երկու բազմությունների հատումը։ Բայց ինչպե՞ս կարող են այս երկու բազմությունները հատվել։ Ինչպե՞ս կարող է իքսը և՛ փոքր լինել երեքից, և՛ մեծ լինել վեցից։ Ինչպես տեսնում եք այս անհավասարումը լուծում չունի։