Եթե տեսնում ես այս հաղորդագրությունը, նշանակում է՝ մեզ չի հաջողվում կայքում արտաքին ռեսուրսներ բեռնել։

If you're behind a web filter, please make sure that the domains *.kastatic.org and *.kasandbox.org are unblocked.

Հիմնական նյութ

y = ax + b տեսքի հավասարումներ

Սովորիր գտնել ուղղի y = ax + b տեսքի հավասարումը՝ ունենալով ուղղի երկու կետեր։
Եթե դեռ չես կարդացել, լավ կլինի սկսես y=ax+b տեսք․ ներածություն թեմայից։

Գրել հավասարումները y-ների առանցքի հետ հատման կետով և մեկ ուրիշ կետով

Արի y=ax+b տեսքով գրենք ուղղի հավասարումը, որն անցնում է (0;3) և (2;7) կետերով։
Հիշիր, որ y=ax+b տեսքի հավասարման մեջ անկյունային գործակիցը a-ն է, իսկ y-ների առանցքի հետ հատման կետը՝ b-ն։

Գտիր b

y-ների առանցքի հետ հատման կետը (0;3)-ն է, հետևաբար կարող ենք ասել, որ b=3։

Գտիր a

Ուղղի անկյունային գործակիցը այդ ուղղին պատկանող երկու կետերի միջև y-ի փոփոխության և x-ի փոփոխության հարաբերությունն է․
Անկյունային գործակից=y-ի փոփոխությունx-ի փոփոխություն
Հետևաբար, (0;3) և (2;7) կետերով անցնող ուղղի անկյունային գործակիցն է․
a=y-ի փոփոխությունx-ի փոփոխություն=7320=42=2
Ուղղի հավասարումն է՝ y=2x+3։

Ստուգիր գիտելիքներդ

Խնդիր 1
Գրիր ուղղի հավասարումը։

Խնդիր 2
Գրիր ուղղի հավասարումը։

Գրել տրված երկու կետերով անցնող ուղղի հավասարումը

Արի y=ax+b տեսքով գրենք ուղղի հավասարումը, որն անցնում է (2;5) և (4;9) կետերով։
Ուշադրություն դարձրու, որ մեզ տրված չէ ուղղի՝ y-ների առանցքի հետ հատման կետը։ Սա մեր գործը մի փոքր բարդացնում է, բայց մենք նման բաներից հաստատ չենք վախենում։

Գտիր a

a=y-ի փոփոխությունx-ի փոփոխություն=9542=42=2

Գտիր b

Մենք գիտենք, որ ուղիղը y=2x+b տեսքի է, բայց դեռ պետք է գտնենք b-ն։ Դրա համար պետք է (2;5) կետը տեղադրենք հավասարման մեջ։
Քանի որ ուղղի բոլոր կետերը պետք է բավարարեն ուղղի հավասարմանը, ուստի մենք կստանանք մի հավասարում, որը լուծելով կարող ենք գտնել b-ն։
y=2x+b5=22+bx=2 և y=55=4+b1=b
Ուղղի հավասարումն է՝ y=2x+1։

Ստուգիր գիտելիքներդ

Խնդիր 3
Գրիր ուղղի հավասարումը։

Խնդիր 4
Գրիր ուղղի հավասարումը։

Բարդ խնդիր
Ուղիղն անցնում է (5;35) և (9;55) կետերով։
Գրիր ուղղի հավասարումը։

Ուզո՞ւմ ես միանալ խոսակցությանը։

Առայժմ հրապարակումներ չկան։
Անգլերեն հասկանո՞ւմ ես: Սեղմիր այստեղ և ավելի շատ քննարկումներ կգտնես «Քան» ակադեմիայի անգլերեն կայքում: