Հիմնական նյութ

Նախահանրահաշիվ

Դաս 14: Կախյալ և անկախ փոփոխականներ

Կախյալ և անկախ փոփոխականներ․ ամփոփում

Զատորոշիր կախյալ և անկախ փոփոխականները և կիրառիր դրանք տրված համատեքստերում:

Անկախ փոփոխականը մի մեծություն է, որը փոփոխվում է փորձարկման ընթացքում:

x-ը սովորաբար այն փոփոխականն է, որը ներկայացնում է հավասարման անկախ փոփոխականը:

Դու տնային գործեր ես անում և ամեն ավարտած գործի դիմաց ստանում ես dollar sign, 3:

Ո՞րն է անկախ փոփոխականը:

Անկախ փոփոխականը քո կատարած գործերի քանակն է, քանի որ սա այն փոփոխականն է, որը գտնվում է քո հսկողության տակ:

Կախյալ փոփոխականը մի մեծություն է, որի արժեքը կախված է անկախ փոփոխականի փոփոխությունից:

y-ը սովորաբար այն փոփոխականն է, որը ներկայացնում է հավասարման կախյալ փոփոխականը:

Արի դիտարկենք նույն իրավիճակը:

Դու տնային գործեր ես անում և ամեն ավարտած գործի դիմաց ստանում ես dollar sign, 3:

Ո՞րն է կախյալ փոփոխականը:

Կախյալ փոփոխականը քո վաստակած գումարի քանակն է, քանի որ քո վաստակած գումարի քանակը կախված է քո ավարտած գործերի քանակից:

Ուզո՞ւմ ես ավելին սովորել անկախ և կախյալ փոփոխականների մասին: Դիտիր այս տեսանյութը:

Խնդիր 1

Դու հացաբուլկեղենի խանութ ես գնացել, որպեսզի մի քանի տուփ խմորեղեն գնես: Խմորեղենի մեկ տուփն արժե dollar sign, 4:

Հետևյալ պնդումներից որո՞նք են ճիշտ.

(Ընտրություն A)
Կախյալ փոփոխականը քո գնած խմորեղենի տուփերի քանակն է:
(Ընտրություն B)
Անկախ փոփոխականը քո գնած խմորեղենի տուփերի քանակն է:
(Ընտրություն C)
Կախյալ փոփոխականը խմորեղենի տուփերի վրա ծախսած գումարի քանակն է:
(Ընտրություն D)
Անկախ փոփոխականը խմորեղենի տուփերի վրա ծախսած գումարի քանակն է:

Ուզո՞ւմ ես նմանատիպ այլ խնդիրներ լուծել: Փորձիր այս վարժությունը:

Դասակարգել ըստ

Առայժմ հրապարակումներ չկան։