Գրառել փոփոխականներ պարունակող պարզ արտահայտություններ

Հանրահաշվական արտահայտությունները օգտակար են, քանի որ ներկայացնում են արտահայտությունը բոլոր այն արժեքների համար, որոնք կարող է ընդունել փոփոխականը։

Մաթեմատիկայում երբեմն արտահայտությունը նկարագրում ենք բառերով: Օրինակ՝ այս արտահայտությունը.

«հինգից երկուսով ավել»

կարող է գրվել այս տեսքով՝

$5+2$‍.

Նույն եղանակով, երբ բառերով նկարագրում ենք մի արտահայտութուն, որը պարունակում է փոփոխական, մենք նկարագրում ենք փոփոխականով հանրահաշվական արտահայտություն:

Օրինակ՝

«$x$‍-ից երեքով ավել»

կարող ենք գրել որպես հանրահաշվական արտահայտություն․

$x+3$‍։

Բայց ինչո՞ւ: Ինչո՞ւ օգտագործել մաթեմատիկան, եթե կարող ենք առարկաները բառերով նկարագրել: Բազմաթիվ պատճառներից մեկն այն է, որ մաթեմատիկան ավելի ճշգրիտ է, և նրանով ավելի հեշտ է աշխատել, քան բառերով: Շարունակիր մտածել այս հարցի շուրջ, մինչ մենք կընկղմվենք հանրահաշվի խորքերը:

Այս աղյուսակն ամփոփում է յուրաքանչյուր գործողության համար օգտագործվող բառերը.

Օրինակ՝ «արտադրյալ» բառը հուշում է, որ պետք է կիրառել բազմապատկում: Այսպիսով՝ այս արտահայտությունը՝

«ութի և $k$‍-ի արտադրյալ»,

կարող է գրվել

$8k$‍ տեսքով։

Ուշադրություն դարձրու, որ «նվազեցրած/փոքրացրած» արտահայտությունը մեզ հուշում է, որ հանում պիտի կիրառենք:

Այսպես՝ այդ արտահայտությունն է՝ $m-7$‍: