Քառակուսի արմատ․ ամփոփում

Թվի քառակուսի արմատն այն արտադրիչն է, որը բազմապատկում ենք ինքն իրենով, որպեսզի ստանանք նախնական թիվը:

Քառակուսի արմատի նշանն է՝ $\sqrt{\phantom{1}}$‍:

Թվի քառակուսի արմատ գտնելը թիվը քառակուսի բարձրացնելու հակառակն է:

$4\cdot 4$‍ կամ $4^2$‍ $=16$‍

Ուրեմն $\sqrt{16}=4$‍

Եթե քառակուսի արմատն ամբողջ թիվ է, այն կոչվում է լրիվ քառակուսի։ Այս օրինակում $16$‍-ը լրիվ քառակուսի է, քանի որ վերջինիս քառակուսի արմատն ամբողջ թիվ է։

Եթե չենք կարողանում պարզել, թե որ արտադրիչն ենք ինքն իրենով բազմապատկելու արդյունքում ստանում տրված թիվը, կարող ենք արտադրիչների ծառ կազմել:

Ահա $36$‍ թվի արտադրիչների ծառը.

Հետևաբար, $36$‍-ի պարզ արտադրիչներն են՝ $2\cdot 2\cdot 3\cdot 3$‍։

Մենք ցանկանում ենք գտնել $\sqrt{36}$‍-ը, հետևաբար պետք է փորձենք պարզ արտադրիչները տրոհել երկու նույնական խմբերի։

Ուշադրություն դարձրու, որ կարող ենք արտադրիչները վերադասավորել հետևյալ կերպ.

Այսպիսով՝ ${(2\cdot 3)}^2=6^2=36$‍։

Հետևաբար, $\sqrt{36}$‍-ը հավասար է $6$‍-ի։

Ուզո՞ւմ ես ավելի շատ նման խնդիրներ լուծել: Փորձիր կատարել այս վարժությունը. Քառակուսի արմատների հաշվում

Կամ էլ փորձիր կատարել մարտահրավերի այս վարժությունը. Քառակուսի և խորանարդ արմատների վերաբերյալ վարժություններ