Լիցքի պահպանման օրենքի քննարկում

Չեզոք մարմինը կարող է լիցքավորվել բացասական լիցքով, եթե էլեկտրոնները տեղափոխվեն նրա վրա այլ մարմնից (տես Պատկեր 1)։

Պատկեր 1-ում բացասական լիցքավորված հաղորդիչ ձողը՝ ընդհանուր $-4e$‍ լիցքով, հպվում է չեզոք հաղորդիչ գնդին։ Փոխազդեցության ընթացքում $2$‍ էլեկտրոններ տեղաշարժվում են ձողից գնդի վրա, որովհետև էլեկտրոնները վանում են իրար և ուզում են իրարից հեռանալ։ Ապա ձողն ունի $-2e$‍, իսկ գունդը՝ $-2e$‍ ընդհանուր լիցք։

Երկու մարմինների գումարային լիցքը $-4e$‍ է փոխազդեցությունից առաջ և հետո, հետևաբար լիցքը պահպանվում է։ Էլեկտրոնները վերաբաշխվում են այնպես, որ ձողը դառնում է ավելի քիչ բացասական լիցքավորված, իսկ գունդը դառնում է բացասական լիցքավորված։

Չեզոք մարմինը կարող է լիցքավորվել դրական լիցքով, եթե էլեկտրոնները տեղափոխվեն նրանից այլ մարմնի վրա (տես Պատկեր 2)։

Պատկեր 2-ում դրական լիցքավորված հաղորդիչ ձողը՝ ընդհանուր $+4e$‍ լիցքով, հպվում է չեզոք հաղորդիչ գնդին։ Փոխազդեցության ընթացքում $2$‍ էլեկտրոններ տեղաշարժվում են չեզոք գնդից ձողի վրա, որովհետև էլեկտրոնները ձգվում են դրական լիցքի կողմից և ուզում են հեռու բաշխվել այլ էլեկտրոններից։ Ապա ձողն ունի $+2e$‍, իսկ գունդը՝ $+2e$‍ ընդհանուր լիցք։

Երկու մարմինների գումարային լիցքը $+4e$‍ է փոխազդեցությունից առաջ և հետո, հետևաբար լիցքը պահպանվում է։ Էլեկտրոնները վերաբաշխվում են այնպես, որ ձողը դառնում է ավելի քիչ դրական լիցքավորված, իսկ գունդը դառնում է դրական լիցքավորված։

Մարդիկ շփոթվելով մտածում են, որ դրական լիցքավորվելու ժամանակ մարմինները ստանում են լրացուցիչ դրական լիցք։ Պրոտոնները ունեն դրական լիցք և կապված են մարմնին, մինչդեռ էլեկտրոնները կարող են փոխանցվել մի մարմնից մյուսը։ Երբ մարմնի գումարային լիցքը դառնում է դրական, ուրեմն նա կորցրել է էլեկտրոններ։

Լիցքի պահպանման օրենքի առավել հանգամանալից բացատրության համար կարող ես դիտել մեր՝ լիցքի պահպանման օրենքի մասին տեսահոլովակը։

Որպեսզի ստուգես, թե որքանով ես յուրացրել թեման, և աշխատես թեմայի հասկացություններն ավելի լավ յուրացնելու վրա, տես մեր վարժությունները.