Հիմնական նյութ
Կենսաբանություն
Դասընթաց․ (Կենսաբանություն) > Բաժին 9
Դաս 3: Նախակորիզավորներ (պրոկարիոտներ) և կորիզավորներ (էուկարիոտներ)Նախակորիզավորներ և կորիզավորներ․ կրկնություն
Հիմնական հասկացություններ
| Եզրույթ | Նշանակություն |
|---|---|
| Էնդոսիմբիոզի տեսություն | Տեսություն, ըստ որի կորիզավոր բջիջները ձևավորվել են նախակորիզավոր բջիջների սիմբիոզային հարաբերությունից |
Ինչո՞վ են տարբերվում նախակորիզավոր և կորիզավոր բջիջները։
| Նախակորիզավորներ | Կորիզավորներ | ||
|---|---|---|---|
| Գենետիկ տեղեկություն | ԴՆԹ-ն օղակաձև է, սովորաբար ազատ լողում է ցիտոպլազմայում | ԴՆԹ-ն գծային է, գտնվում է կորիզում | |
| Օրգանոիդներ | Չունեն կորիզ կամ թաղանթով պատված օրգանոիդներ | Ունեն կորիզ և թաղանթով պատված օրգանոիդներ (օր․՝ միտոքոնդրիումներ, քլորոպլաստներ, Գոլջիի համալիր, ԷՑ) | |
| Չափերը | Փոքր (1-5 միկրոմետր) | Ավելի մեծ (10-100 միկրոմետր) | |
| Օրգանիզմներ | Բակտերիաներ/արքեյներ | Կենդանիներ, բույսեր, սնկեր, նախակենդանիներ | |
| Բջջի կառուցվածքը | Միշտ միաբջիջ | Կարող են լինել միաբջիջ կամ բազմաբջիջ |
Ի՞նչ է էնդոսիմբիոզի տեսությունը։
Էնդոսիմբիզի տեսությունը բացատրում է, թե ինչպես են կորիզավորներն այդքան բարդացել։
Ըստ այս տեսության միտոքոնդրիումները և քլորոպլաստներները ժամանակին եղել են ազատ ապրող նախակորիզավոր բջիջներ, որոնք սկսել են ապրել ավելի մեծ տեր բջջում: Երկար ժամանակ այս նախակորիզավորներն ու իրենց տերերը միասին զարգացել են այնքան, որ իրարից անկախ ապրել չեն կարող։
Հաճախ հանդիպող սխալներ
- Կորիզավորները կարող են լինել միաբջիջ: Շատերը կարծում են, որ բոլոր կորիզավորները բազմաբջիջ են, բայց դա այդպես չէ: Եթե նախակորիզավորները միշտ միաբջիջ օրգանիզմներ են, կորիզավորները կարող են լինել միաբջիջ կամ բազմաբջիջ: Օրինակ, նախակենդանիների մեծ մասը միաբջիջ կորիզավորներ են։
- Թեև նախակորիզավորները չունեն կորիզ, դրանք պարունակում են գենետիկ տեղեկություն: Նախակորիզավորները հիմնականում ունեն մեկ օղակաձև քրոմոսոմ, որտեղ պահում են իրենց գենետիկ տեղեկությունը:
Ուզո՞ւմ ես միանալ խոսակցությանը։
Առայժմ հրապարակումներ չկան։