Ֆերմենտներ․ կրկնություն

Հիմնական եզրույթներ

Ֆերմենտի կառուցվածքը և գործառույթը

Ռեակցիայի ակտիվության վրա ազդող գործոններ

• Ջերմաստիճան․ Ջերմաստիճանի բարձրացումն ընդհանուր առմամբ արագացնում է ռեակցիան, իսկ ջերմաստիճանի իջեցումը դանդաղեցնում է ռեակցիան: Սակայն, ծայրահեղ բարձր ջերմաստիճանը կարող է պատճառ դառնալ, որ ֆերմենտը կորցնի իր ձևը (բնափոխվի) և դադարի աշխատել:
• pH․ Յուրաքանչյուր ֆերմենտ ունի օպտիմալ pH միջակայք: Այս միջակայքից դուրս pH-ի փոփոխությունը դանդաղեցնում է ֆերմենտների ակտիվությունը: Ծայրահեղ pH-ի արժեքները կարող են առաջացնել ֆերմենտների բնափոխում։
• Ֆերմենտի կոնցենտրացիա․ Ֆերմենտի կոնցենտրացիայի բարձրացումն արագացնում է ռեակցիան, քանի դեռ առկա է սուբստրատ, որի հետ կարելի է կապվել: Երբ ամբողջ սուբստրատը կապվի, ռեակցիան այլևս չի արագանա, քանի որ լրացուցիչ ֆերմենտների հետ կապվելու ոչինչ չի լինի:
• Սուբստրատի կոնցենտրացիա․ Սուբստրատի կոնցենտրացիայի բարձրացումը որոշակի պահի մեծացնում է ռեակցիայի արագությունը: Երբ բոլոր ֆերմենտները կապված են, ցանկացած սուբստրատի ավելացում ազդեցություն չի ունենա ռեակցիայի արագության վրա, քանի որ առկա ֆերմենտները հագեցած կլինեն և կաշխատեն իրենց առավելագույն արագությամբ:

Հաճախ հանդիպող սխալներ

• Ֆերմենտները «սպեցիֆիկ» են: Ֆերմենտի յուրաքանչյուր տեսակ սովորաբար միանում է միայն մեկ կամ մի քանի սուբստրատի հետ: Որոշ ֆերմենտներ ավելի սպեցիֆիկ են, քան մյուսները և միանում են միայն մեկ որոշակի սուբստրատի: Այլ ֆերմենտներ կարող են գործել մի շարք մոլեկուլների դեպքում, եթե դրանք պարունակում են կապի կամ քիմիական խմբի այն տեսակը, որն այդ ֆերմենտը կարող է ճանաչել:

• Ֆերմենտները բազմակի օգտագործման համար են: Ֆերմենտները ելանյութեր չեն և չեն սպառվում ռեակցիայի ընթացքում: Երբ ֆերմենտը կապվում է սուբստրատի հետ և կատալիզում է ռեակցիան, ֆերմենտն ազատվում է անփոփոխ և կարող է օգտագործվել մեկ այլ ռեակցիայի համար: Սա նշանակում է, որ յուրաքանչյուր ռեակցիայի համար անհրաժեշտ չէ ֆերմենտի և սուբստրատի մոլեկուլների 1:1 հարաբերակցություն: