Ֆոտոսինթեզ․ կրկնություն

Հիմնական եզրույթներ

Եզրույթ	Նշանակությունը
Ֆոտոսինթեզ	Գործընթացը, որով բույսերը, ջրիմուռները և որոշ բակտերիաներ լույսի էներգիան փոխակերպում են քիմիական էներգիայի՝ շաքարների տեսքով
Ֆոտոավտոտրոֆ	Օրգանիզմ, որն արտադրում է իր սեփական սնունդը՝ օգտագործելով լույսի էներգիան (ինչպես բույսերը)
ԱԵՖ	Ադենոզին եռֆոսֆատ, կենդանի օրգանիզմների էներգիայի հիմնական կրիչը
Քլորոպլաստ	Բուսական բջջի կառուցվածք, որտեղ տեղի է ունենում ֆոտոսինթեզ
Թիլակոիդներ	Սկավառակի նման կառույցներ քլորոպլաստում, որոնք օգնում են կլանել լույսը
Գրան	Թիլակոիդների կույտերը քլորոպլաստում
Քլորոֆիլ	Թիլակոիդում հայտնաբերված գունանյութ, որը կլանում է լույսի էներգիան և օգտագործում այն ածխաջրեր արտադրելու համար
Ստրոմա	Գրանները շրջապատող հեղուկով լցված տարածք

Ֆոտոսինթեզի ժամանակ ֆոտոավոտրոֆներն օգտագործում են արևի էներգիան՝ ածխածնի երկօքսիդի և ջրի հետ միասին, գլյուկոզ և թթվածին արտադրելու համար:

Ֆոտոսինթեզի ընդհանուր ռեակցիան․

Ֆոտոսինթեզն երկու հիմնական փուլերն են լուսային փուլի ռեակցիաները և Կալվինի ցիկլը:

Փուլ	Վայրը	Գործընթացը	Պահանջո՞ւմ է արևի լույս
Լուսային փուլի ռեակցիաներ	Թիլակոիդի թաղանթ	Լույսի էներգիան կլանվում է քլորոպլաստների կողմից և պահեստավորվում որպես ԱԵՖ	Այո
Կլավինի ցիկլ	Ստրոմա	ԱԵՖ-ն օգտագործվում է շաքարներ ստեղծելու համար, որոնք բույսն օգտագործում է աճելու և ապրելու համար	Ոչ

Ֆոտոսինթեզը և բջջային շնչառությունը գրեթե հակառակ գործընթացներ են: Դիտարկելով նրանց հավասարումները՝ դրանք տարբերվում են միայն կլանվող կամ անջատվող էներգիայով: Սակայն, դրանք պարզապես միմյանց չեն հակադարձում, քանի որ յուրաքանչյուրը տեղի է ունենում առանձին քայլերի հաջորդականությամբ։

Բույսերը կանաչ են, քանի որ քլորոֆիլն անդրադարձնում է կանաչ լույսը: Շատերը կարծում են, որ քլորոֆիլը կանաչ է, քանի որ այն ցանկանում է կլանել և օգտագործել կանաչ լույսը: Սակայն դա ճիշտ չէ: Գույնը, որը մենք տեսնում ենք, իրականում անդրադարձվող լույսի գույնն է: Հետևաբար, քլորոֆիլն անդրադարձնում է կանաչ լույսը՝ միաժամանակ կլանելով կարմիր և կապույտ լույսերը:

Դասակարգել ըստ

Առայժմ հրապարակումներ չկան։