Պատրաստվում ենք սովորել քիմիա

Բարի գալուստ քիմիայի աշխարհ

Մաթեմատիկա

Ընդհանուր հմտություններ

• Աստիճանի հատկությունները և լոգարիթմների հատկությունները: Լոգարիթմներին և աստիճանացույցներին լավ տիրապետելը օգտակար կլինի թթուների և հիմքերի, կինետիկայի և հավասարակշռության ուսումնասիրության ժամանակ:
• Անկյունային գործակցով տրված հավասարումով ուղղի գրաֆիկի կառուցում: Քիմիայի հետաքրքրություններից մեկն ինքնուրույն փորձեր կատարելն է: Փորձարարական տվյալների ստացումից հետո կարիք կլինի իմանալու, թե ինչպես ակնառու դարձնել և մեկնաբանել արդյունքները:
• Քառակուսային հավասարման արմատների բանաձև: Քիմիական հավասարակշռություն ուսումնասիրելիս օգտակար կլինի իմանալ, թե ինչպես կազմել և լուծել քառակուսային հավասարումները։

Գիտական հատուկ հմտություններ

• Գիտական նշագրում: Քիմիկոսները ծույլ են և չեն ցանկանում մեծ թվերի, օրինակ՝ 300 000 000 կամ 0,0000057, բոլոր զրոները դուրս գրել և փոխարենը այդ թվերը գրում են գիտական նշագրումով։ Գիտական նշագրում հասկանալը թույլ կտա նաև խուսափել այդ բոլոր զրոները դուրս գրելուց։
• Տարածական վերլուծություն: Քիմիա սովորելու երկրորդ կանոնը չափման միավորները միշտ ստուգելն է: Տարածական վերլուծությունը օգտակար գործիք է՝ համոզվելու, որ տարբեր մեծությունների չափման միավորները տեղին լինեն ցանկացած գիտական հաշվարկում։

  [Ո՞րն է առաջին կանոնը]
• Իմաստալից թվանշաններ: Գիտնականները օգտագործում են իմաստալից թվանշաններ, որպեսզի զայրացնեն քիմիա սովորողներին (կատակ ենք անում) և կարողանան փոփոխել չափման կամ հաշվարկի ճշգրտությունը:

Ֆիզիկա և կենսաբանություն

• Գիտական մեթոդ: Գիտնականները շարունակաբար նոր բացահայտումներ են անում մեր աշխարհի մասին: Գիտական մեթոդն օգնում է առաջադրելու հարցեր մեր դիտարկումների վերաբերյալ և նախագծելու փորձեր՝ հնարավոր բացատրությունները ստուգելու համար։

• Կուլոնի օրենքը: Լիցքավորված մասնիկների միջև առկա ուժի միջոցով կարելի է բացատրել նյութի հատկությունները մինչև ենթաատոմային մակարդակակ։